BlogCentral.is - Nýjar færslur

Burðir og fleira

melsari — Tue, 09 Feb 2010 23:34:11 GMT

Sæl öll

Síðan síðast hefur verið mikil burðarhrina í gangi og hafa 5 kýr borið.
Aþena 457 Jónatansdóttir(hn undan Öðling 03002) bar 4.febrúar og átti rauðhúfótt naut undan Húf 07049.
Andrésína 463 Gauksdóttir 05027 bar 7.febrúar og átti ljósrauðhuppótt naut undan heimanautinu Sigga Setta 471 Bjúgnakrækis (hn) og Siggu Settuson 391, hann var seldur á Leirulæk í dag ásamt bolanum undan Aþenu.
Venus 402 Skandalsdóttir 03037 bar 7.febrúar og átti brandhuppótta kvígu undan Kappa 01031 og hefur hún fengið nafnið Dama 537 vegna þess hve kvíguleg hún er s.s. mjó og háfætt.
Skella 460 Gauksdóttir 05027 bar í gær og átti rauðhuppótta kvígu undan Sigga Setta 471 og hefur hún hlotið nafnið Skellibjalla 538, ég hef ekkert séð hana reyndar.
Svo bar Kombína 432 Glannadóttir 98026 í dag og átti bröndótt dautt naut undan Giljagaur 01032, hún bar 16 dögum fyrir tal en þrátt fyrir það var kálfurinn það stór að hann drapst í fæðingu.

Ég held að dætur Gauks 05027 séu ekki neitt mikið skárri en dætur Rennings 05014, Allavega eru allar dætur hans þrjár sem við eigum ekkert skemmtilegar í skapinu en fallegar eru þær, tvær þeirra eru undan systrunum Támsínu 312 og Tásu 350 Támínudætrum 277 og það eru ekkert skapvont kyn það enda með því skapbesta sem finnst í fjósinu hér en svo verða þessar tvær (Andrésína 463(Támsínud.) og Munkafríða 466(Tásud.)) alveg hundleiðinlegar en það er sko önnur saga með systur Andrésínu hún Kombína 432 er algjört yndi, hún stendur alveg kyr hvar sem er, hún getur komið þegar að maður kallar á hana, hún er fyrir mér svona eins og hundur því hún er svo hlýðin og reyndar mjög lítil, ég áætla að hún sé 115 cm upp á herðakamb.

Ég ætla að setja hér inn ársuppgjör 2009 í Hraunhrepp en þá lítur þetta svona út, en allir bæjir í hreppnum sem eru með kýr eru þátttakendur í skýrsluhaldinu sem telst nú mjög gott.

Eigandi	Bær	Árskýr	Afurðir	Prótein%
Melur sf.	Melur	43,1	6704	3,32
Unnsteinn Jóhannsson	Laxárholt 2	53,4	6286	3,39
Hundastapi ehf.	Hundastapi	57,8	5682	3,23
Guðbrandur Guðbrandsson	Staðarhraun	9,9	5473	3,35
Kristjana og Sigfús	Skiphylur	24,6	5459	3,33
Gísli Friðjónsson	Helgastaðir	19,1	5247	3,31
Jón Magnússon	Álftá	20,3	5059	3,38

Njótið

Ágúst

Fyrir Dróttskátana

dalaskatar — Tue, 09 Feb 2010 23:28:20 GMT

Smáþjóðaleikarnir (Euro-Mini-Jam) verða haldnir í fyrsta sinn í sumar, til að eiga möguleika á að taka þátt þarf að vinna til sigurs í forkeppninni sem fer fram 20.-21. feb. Búið er að opna fyrir skráningu á: www.smidjudagar.com
Nánari uppl. hjá Önnu Möggu

Jæja gott fólk..

disahrolfs — Tue, 09 Feb 2010 23:27:50 GMT

allt bara meinhæft að frétta héðan úr Bolungarvík. Snjófölin að hverfa og bara spáð hita fram eftir viku. Ekkert gaman, ekkert hægt að renna sér á sleða. Það er svo sem allt í lagi því í dag voru bæði börnin með hita. Amma (ég ) fór og kíkti á liðið þega Kata hringdi og ég gleymdi að ég var að hnoða brauð í brauðvélinni og það var orðið ansi hefað þegar ég kom úteftir aftur, ég bakaði það nú samt. Var að reyna að gera eins brauð og ég gerði fyrir nokkru sem var svo gott á bragðið. Það tókst næstum. ;)
Dísa Rós spurði strax þegar ég kom" kar er Palli afi?" og ég sagði henni að hann væri á sjó að veiða fiskinn, hún apar öll orð upp sem maður segir, :d er svo dugleg að tala en þau voru svo lasin og vildu bara láta halda á sér.:s
Palli er búin að fara á sjó í 2 daga og ætla þeir að fara á morgun lika. Diddi og Ingibjörg er að fara í frí svo það verður ekkert hjá Palla að gera nema kanski að spila golf ef veðurspáin stenst;)
Var á stjórnarfundi hjá Drymlufélugum í gærkveldi vegna aðalfundar sem verður 1 mars. Við fengum 1 nýjan félaga. Þeim fer fækkandi félagsmönnum en samt er þokkalegt úrval af nytjavörum sem fást hjá okkur. Aðaláherslan er samt lögð á að prjóna lopa-sokka, vettlinga, víkingahjálma, kollhúfur, alpahúfur,vetlinga, vesti, legghlífar og peysur með munstri sem ættað er frá Hornströndum. Munstrin sem við notum í okkar prjóles er aldagamal og eins og sagt er í Sjónabókinni þá eru þessi munstur hingað komin í kirkjuklæðum og ofnum dúkum og söðuldúkum og fl. þess háttar en hafa þróast í það sem við erum að vinna með og kallast Vestfirskurlaufaviður. það sem gerir þetta svo skemmtilegt er að það er engin flík eins, svo þetta er ekki eins og fjöldaframleiðsla, það eru alltaf 4 litir í öllu, oftast 3 jaðarlitir og ein litaður. Bara svona til fróðleiks fyrir ykkur sem skoðið mitt prjón og skiljið ekkert hvaða hrærigrautur er í munstrinu hjá mér.

jæja, nú kveð ég og bið ykkur vel að lifa.
Bless Dísa

Aðalfundur Skátafélagsins Stíganda

dalaskatar — Tue, 09 Feb 2010 23:26:10 GMT

verður haldinn í skátaherberginu Dalabúð mánudaginn 22. febrúar 2010 og hefst kl 19:15

Fundarefni:

1. Skýrsla stjórnar.

2. Endurskoðaðir reikningar félagsins.

3. Starfsáætlun félagsins til eins árs.

4. Kosningar.

5. Önnur mál.

Stjórnin

Æfingaplanið næstu daga!

3kv-thor — Tue, 09 Feb 2010 23:22:18 GMT

Sælar stelpur mínar!

Á meðan ég er úti sér Bojana um ykkur af sinni alkunni snilld!

Æfingaplanið er svona:
Miðvikudagur 10.feb: Boginn kl.13:30
Fimmtudagur 11.feb: Hlaupabraut kl.15:30
Laugardagur 13.feb: Júdósalur með Óda kl.12:00 (ekki svíkjast um þessa æfingu)!
Mánudagur 15.feb: Boginn kl.18:00 (ath ekki 17:30 í þetta skipti af því Bojana er með æfingu til kl.18 og getur ekki séð um ykkur á sama tíma)
Miðvikudagur 17.feb: Boginn kl.13:30

Hafið það gott dömur mínar, make me proud!

kv. Jónsi

Með orð á ýmsum stöðum

einarhaf — Tue, 09 Feb 2010 23:15:17 GMT

Beinaberu lesendur.

Sólargeislarnir teygðu anga sína inn um rifurnar á rykfallinni rimlagardínunni, gegnum gluggann og beint á kámugan tölvuskjáinn. Ljósin úr hrímuðum staurum skinu skært og landslagið speglaðist í lygnum sjónum. Rómverskur riddari réðst inn í Rómaborg rændi og rupplaði rófum og radísum. Úbbs, þessi setning átti ekki að vera þarna. Svifrykið þyrlaðist í logninu og það marraði í negldum dekkjum bifreiðanna sem flýttu sér í dauðans ofboði um stræti bæjarins. Gangandi vegfarendur örkuðu fram og aftur um gangstéttir og göngustíga, eins og þeir hefðu ekkert betra að gera. Tilgangsleysi allra hluta lýsti sér vel í gráum hversdeginum. Eftirsókn almúgans eftir einhverju sem enginn vissi hvað var. Firring nútímamannsins. Og þú last það í inngangi nýjustu bloggfærslunnar á einarhaf.blogcentral.is.

Þessa dagana fara fram hin og þessi prófkjör víðsvegar um landið þar sem menn í mislitum flokkum stilla sér upp í hinar ýmsu stellingar og reyna að fanga saklausa, flokksbundna kjósendur í net á skefjalausum atkvæðaveiðum. Tilgangurinn er að ná sér í fyrirfram ákveðið sæti á frambærilegum framboðslista og sitja þar sem fastast fram yfir sveitastjórnarkosningar í vor. Þá setjast einhverjir að völdum og sumir ná meiri völdum en aðrir en langflestir munu sitja eftir með súrt ennið. Eða var það sárt ennið?

Íslendingar hafa nú valið framlag sitt til söngvakeppni evrópskra sjónvarpsstöðva 2010, öðru nafni Júróvisijón. Fyrir valinu að þessu sinni varð Hera Björk með júrópopplagið Sunesiqua, eða hvað það nú heitir. Ekki er þó víst að lagið fái að keppa í Júróvisijón, enda eru Bretar meðal þeirra sem ráða hvað mestu og leggja hvað mestan pening í keppnina. Það mun því velta verulega á útkomu IceSave málsins svokallaða hvort Ísland fái yfir höfuð að komast að á sviðinu eða ekki. Spennandi.

Þessa dagana eru margir uggandi vegna niðurskurðar í íslenskri kvikmyndagerð. Gífurlegur niðurskurður hjá Ríkisútvarpinu hefur gert það að verkum að öllum íslenskum kvikmyndagerðarmönnum verður úthýst og faglærðir filmudúttlarar koma til með að eiga fótum sínum fjör að launa þegar gefið verður á þá skotleyfi af hinu opinbera. Sumum þykir þetta öfugsnúið í ljósi þess að íslenskum listum og menningu er jafnan hampað á tyllidögum og í hátíðarræðum, gjarnan af mennta- og menningarmálaráðherra. Þá er frjó hugsun og gróska rómuð en nú hefur sem sagt komið í ljós að hún má helst ekki kosta neitt. Á komandi árum mun þetta hafa í för með sér að sjónvarpsdagskráin mun byggjast nær eingöngu upp á endursýningum, endurflutningi, endurtekningum, endurómi og endurkasti en kvikmyndagerðarmenn þiggja atvinnuleysisbætur á meðan. Hvort þetta muni í framtíðinni leiða til aukinnar framleiðslu heimagerðra mynda í öllum regnbogans litum (gular, rauðar, grænar, bláar) mun tíminn einn leiða í ljós.

Nú eru uppi hugmyndir um að opna spilavíti í Reykjavík. Fregnir herma að fjöldi leyniklúbba stundi kolólögleg fjárhættuspil þvers og kruss um landið og því þurfi að sporna við þeirri þróun á einhvern hátt. Forvígismenn hugmyndar um spilavíti vilja meina að betra sé að leggja spilin á borðið og hafa allt uppi á borðinu en ekki pukrast með fjárhættuspil undir borðum eða neðanjarðar í svokölluðu neðanjarðarhagkerfi eins og gert hefur verið hingað til. Hvort af því verður er enn ekki komið á hreint en persónulega tek ég undir með þeim sem vilja fá fjárhættuspilin upp á borðið. Það hlýtur að vera miklu þægilegra fyrir þá sem eru að spila að hafa spilin uppi á borðinu heldur en að hafa þau undir borðinu, hvað þá neðanjarðar, enda mun erfiðara að athafna sig þar. En þetta er auðvitað bara mín skoðun.

Í Ólsen Ólsen missti mig og lagði undir,
aleigunni glataði og hrein við hátt.
Í spilavíti munu eiga góðar stundir
þeir sem aldrei leggja pening undir.

Fyrir þá sem misstu af þessari bloggfærslu er rétt að benda á einarhaf.blogcentral.is+.

AlEinar.

Tilvitnun dagsins:
Maður að lesa skilaboð: Fór í bankaútibúið. Ha? Já. Fór í banka. Úti. Búið.

sæl öllsömul ;)

atak2010 — Tue, 09 Feb 2010 23:09:55 GMT

hjá mér er nú ekki mikið búið að gerast nema við fjölskyldan höfum verið veik en strákarnir mínir eru búir að vera vestir

ég reikna reyndar með því að þeir fari í leikskólann á morgun loksins svo ég ætti að geta komist í ræktina í vikunni.

við erum reyndar að fara að flyrja núna 16. febrúar og ekki byrjuð að pakka svo ætli ég verði ekki á fullu í því og minka aðeins ræktina svo ég komist yfir þetta annars geng ég bara fra´líkamanum á mér.

einbeiti mér kannski meira að sundinu þessa vikuna og næstu. reikna með að fara í ræktina 1-2 í næstu viku svo bara pakka en verð dugleg að taka labbitúr með hundinn einsog í kvöld þa´tók ég klukkutíma göngu og var það geggjað enda svo gott veður ;)

læt þetta duga í bili takk fyrir öll commentin ;o)

góða nótt

Nýtt bloggsvæði á BlogCentral

briser — Tue, 09 Feb 2010 23:07:22 GMT

Eigandi þessa nýja bloggs hefur ekki gefið út fyrstu bloggfærsluna sína. Viðkomandi er án efa í óða önn að velja sér flott útlit, aukahluti, hlaða upp myndum og semja meistaraverk til að færa á spjöld sögunnar. Við bjóðum viðkomandi að sjálfsögðu velkominn á BlogCentral!

Nýtt bloggsvæði á BlogCentral

bris12 — Tue, 09 Feb 2010 23:04:19 GMT

,

re — Tue, 09 Feb 2010 23:04:10 GMT

Aðalfundur Skotf.Markviss

markviss — Tue, 09 Feb 2010 23:00:26 GMT

Aðalfundur verður haldinn laugardaginn 13 febrúar næstkomandi
og hefst kl.14.00.
Fundarstaður, Klúbbhús Markviss
Dagskrá. Hefðbundin aðalfundarstörf.

Nýtt bloggsvæði á BlogCentral

bris — Tue, 09 Feb 2010 22:55:55 GMT

Slatti úr Fjölni í úrtökin

3fjolnir — Tue, 09 Feb 2010 22:54:12 GMT

Úrtökin hjá u-17,u-18 og u-19 voru valin í kvöld.Það var slatti af leikmönnum frá Fjölni sem voru valdir.

U-17 Halli og Kristján

U-18 Hjölli Þ,Maggi og Aron

U-19 Bjarni og Palli

Því miður eru ekki miklar líkur á að Kristján og Halli geti verið með þar sem þeir eru að stíga upp úr erfiðum meiðslum.Kristján Svanur var á sinni fyrstu æfingu í kvöld og von er á Halla á næstu dögum.Þá mætti Finnbogi á sína fyrstu æfingu í kvöld eftir fótbrotið.Svo er vonandi að þeir sem eftir eru fari að detta inn.

Til lukku með valið strákar í öllum úrtökum.

A.T.H

sindrabeibi — Tue, 09 Feb 2010 22:48:34 GMT

Æfing á fimmtudaginn kl 19:00 (7)

Þetta verður létt hlaupaæfing, komið með hlaupaskóna ;D

sorry

unnzapulsa — Tue, 09 Feb 2010 22:45:51 GMT

Sorry ég gleymdi passinu á þessu bloggi þannig að ég er ekki buinn að blogga neitt xD